അങ്ങേത്തൊടിയില് നിന്നൊരു ഭീമന് മൂളല് മൂളികേള്ക്കുന്നേ ....
ഇങ്ങേക്കരയില് എങ്ങോ നമ്മുടെ ചറപറ മഴയും പെയ്യുന്നേ....
ഇടിയുടെ കൊട്ടും മേളത്തോടെ മിന്നല് പിണരിന് താളത്തോടെ
കൈകള് ആട്ടും വൃക്ഷങ്ങളുടെ നൃത്ത ചുവടുകള് തുടരുന്നേ....
മങ്ങും വര്ണ്ണ ദൃശ്യങ്ങളുടെ ചാരുതയേറി മിനുങ്ങി വരുന്നേ....
പുഴയുടെ കുഞ്ഞോളങ്ങളില് ചെറുചെറു വൃത്തപ്പൂക്കള് വിരിയുന്നേ...
ഇരുള് മൂടുന്നോരീ ഇടവപ്പാതിയില് കുട്ടികള് ഓടി ഒളിക്കുന്നേ...
തുരുതുരെ പൊഴിയും പഴമാങ്ങയുടെ ഗന്ധം തിങ്ങി നിറയുന്നെ...
ആര്ത്തു ചിരിക്കും വൃക്ഷക്കൂട്ടവും ചെടിയും വയലും കതിരുകളും
മഴയുടെ കുളിര് നിറയുന്നൊരു നാളയെ വീണ്ടും നോക്കിയിരിക്കുന്നെ....
No comments:
Post a Comment